Superliga 5-turidan o‘rin olgan “Buxoro” – “Bunyodkor” (0:2) uchrashuvidan so‘ng mehmonlar bosh murabbiyi Murod Otajonov o‘z fikrlarini bildirib o‘tdi.
“Ikkala jamoa ham oxirigacha kurashdi. Kimdir yutqazishni xohlamadi, kimdir yutishni ko‘proq istadi. “Buxoro”ga yangi murabbiy kelganidan keyin yaxshi tomonga o‘zgarishlar bor ekanligiga guvoh bo‘ldik. G‘alaba uchun kelgan edik, bugun bizning kunimiz ekan.
Jamoalarning yoshi o‘rtasidagi farq sezildimi? Tablodagi hisobga qarab aytadigan bo‘lsak, ha. Ikkinchi gol kiritilgan vaziyatda uch nafar futbolchimiz bir himoyachiga qarshi qoldi. Yosh futbolchilar oxirigacha harakat qilishdi. Mavsumni 1-o‘rinda yakunlash vazifasi qo‘yilgan deb ayta olmayman, ammo imkon qadar yuqori o‘rinni egallashga intilamiz”, – dedi Otajonov.
