Лионель Месси "ПСЖ" сафида 5 ўйиндан кейин биринчи марта гол урди.

Парижликлар жамоаси ҳужумчиси Лига 1нинг 30-тури доирасидаги “Ницца”га қарши учрашувда (1:0, биринчи бўлим) ҳисобни очди.

Аргентиналик футболчи 4-мартдан бери илк бор "ПСЖ" билан ўйинда гол урди – ўшанда у “Нант” дарвозасини ишғол қилганди (4:2). "Бавария" (0:2), "Брест" (2:1), "Ренн" (0:2) ва "Лион" (0:1) билан ўйинларда Месси гол ура олмади.

Жорий мавсумда Лига 1да 25 та ўйинда Лионель 14 та гол урди ва 13 та голли узатмани амалга оширди.