"ПСЖ" ҳужумчиси Килиан Мбаппе мавсум охирида клуб билан шартномаси тугайдиган Лионель Мессининг жамоани тарк этишини истамаяпти. Бу ҳақда Sport.es нашри хабар бермоқда.
Манбанинг хабарига кўра, парижликлар раҳбарияти 35 ёшли аргентиналик билан шартномани узайтириш умидини сақлаб қолган. Бироқ клуб буни амалга ошириш кундан-кунга қийинлашиб бораётганини тушуниб турибди, чунки “Барселона” футболчини жамоага қайтаришни истайдиган Месси билан музокараларни бошлаган.
Месси "ПСЖ"га 2021 йилнинг ёзида текин трансфер орқали қўшилган эди. Жамоа сафида 68 та ўйинда майдонга тушган ҳужумчи 30 та гол урди ва 33 та голли узатмани амалга оширди.
