"PSJ" hujumchisi Kilian Mbappe mavsum oxirida klub bilan shartnomasi tugaydigan Lionel Messining jamoani tark etishini istamayapti. Bu haqda Sport.es nashri xabar bermoqda.

Manbaning xabariga ko‘ra, parijliklar rahbariyati 35 yoshli argentinalik bilan shartnomani uzaytirish umidini saqlab qolgan. Biroq klub buni amalga oshirish kundan-kunga qiyinlashib borayotganini tushunib turibdi, chunki “Barselona” futbolchini jamoaga qaytarishni istaydigan Messi bilan muzokaralarni boshlagan.

Messi "PSJ"ga 2021 yilning yozida tekin transfer orqali qo‘shilgan edi. Jamoa safida 68 ta o‘yinda maydonga tushgan hujumchi 30 ta gol urdi va 33 ta golli uzatmani amalga oshirdi.