"Челси"нинг чап қанот ҳимоячиси Бен Чилуэлл жамоа билан янги шартнома имзолашга яқин турибди.
Журналист Давид Орнштейннинг хабарига кўра, англиялик футболчи тез орада 2027 йилнинг ёзига қадар мўлжалланган шартномани имзолаши кутилмоқда.
Чилуэллнинг "Челси" билан амалдаги шартномаси 2025 йилнинг ёзида якунига етади. Аввалроқ, жорий мавсум якунида футболчини "Манчестер Сити" қўлга киритишга уриниб кўриши, аммо "Челси" Бенни ўз таркибида сақлаб қолишга қарор қилгани ҳақида хабар берилганди.
Англия Премьер-лигасининг жорий мавсумида Чилуэлл 19 та ўйин ўтказиб, иккита гол ва иккита голли узатмани амалга оширди.