"Chelsi"ning chap qanot himoyachisi Ben Chiluell jamoa bilan yangi shartnoma imzolashga yaqin turibdi.
Jurnalist David Ornshteynning xabariga ko‘ra, angliyalik futbolchi tez orada 2027 yilning yoziga qadar mo‘ljallangan shartnomani imzolashi kutilmoqda.
Chiluellning "Chelsi" bilan amaldagi shartnomasi 2025 yilning yozida yakuniga yetadi. Avvalroq, joriy mavsum yakunida futbolchini "Manchester Siti" qo‘lga kiritishga urinib ko‘rishi, ammo "Chelsi" Benni o‘z tarkibida saqlab qolishga qaror qilgani haqida xabar berilgandi.
Angliya Premyer-ligasining joriy mavsumida Chiluell 19 ta o‘yin o‘tkazib, ikkita gol va ikkita golli uzatmani amalga oshirdi.