"Манчестер Сити" ярим ҳимоячиси Родри Эрнандес ЕЧЛ чорак финалида "Бавария"га қарши бўлиб ўтадиган учрашувдан олдинги фикрлари билан ўртоқлашди.
"Биз бу ўйинни интиқлик билан кутмоқдамиз. Биз жуда жиддий рақиб билан ўйнашимиз керак. Имкониятдан умид қилмоқчи бўлсак, энг яхши футболимизни кўрсатишимиз керак. Биз баъзи нарсалар устида ишлашимиз керак", - деди Родри "Манчестер Сити" расмий сайтига.
Эслатиб ўтамиз, "Бавария"да ижара асосида тўп сураётган ҳимоячи Жоау Канселу тез орада "Манчестер Сити"га қарши майдонга тушади. Португалиялик футболчига УЕФА регламенти бўйича ўйнашга рухсат берилади.
