"Барселона" ва Бразилия терма жамоасининг собиқ ҳимоячиси Дани Алвес Каталония қамоқхонасида зўрлашда айбланиб, суд жараёнини кутмоқда.

Diario Sport хабарига кўра, бразилияликнинг олдига ташриф буюрувчилари кўп эмас - фақат битта. Алвеснинг ёнига ташриф буюрадиган ягона одам унинг Бруно Бразил исмли дўсти. Футболчи жиноят содир этгани тахмин қилинаётган кечада у Алвес билан тунги клубда бўлган. ОАВ хабарларига кўра, Брунонинг сўнгги ташрифи 26 март куни бўлиб ўтган.

Жинсий тажовузда айбланиб ҳибсга олинганидан кейин Алвесга гаров пули эвазига озодликка чиқиши рад этилди. Шундай қилиб, у тахминан 1-2 йил давом этиши мумкин бўлган суд жараёни тугагунига қадар ҳибсда қолади.