"Barselona" va Braziliya terma jamoasining sobiq himoyachisi Dani Alves Kataloniya qamoqxonasida zo‘rlashda ayblanib, sud jarayonini kutmoqda.

Diario Sport xabariga ko‘ra, braziliyalikning oldiga tashrif buyuruvchilari ko‘p emas - faqat bitta. Alvesning yoniga tashrif buyuradigan yagona odam uning Bruno Brazil ismli do‘sti. Futbolchi jinoyat sodir etgani taxmin qilinayotgan kechada u Alves bilan tungi klubda bo‘lgan. OAV xabarlariga ko‘ra, Brunoning so‘nggi tashrifi 26 mart kuni bo‘lib o‘tgan.

Jinsiy tajovuzda ayblanib hibsga olinganidan keyin Alvesga garov puli evaziga ozodlikka chiqishi rad etildi. Shunday qilib, u taxminan 1-2 yil davom etishi mumkin bo‘lgan sud jarayoni tugaguniga qadar hibsda qoladi.