"Манчестер Юнайтед" бош мураббийи Эрик Тен Хаг вингер Алехандро Гарначо бу мавсумда яна майдонга тушишига ишонч билдирди.

Ўтган мавсумда "МЮ"да дебют қилганидан сўнг, Гарначо бу мавсумда ўзини асосий жамоа футболчиси сифатида кўрсатди ва тўртта гол урди.

Бироқ Алехандро 12 март куни Премьер-лига доирасидаги “Саутгемптон”га қарши ўйинда тўпиғидан жароҳат олиб, сафдан чиқди.

Тен Хаг 18 ёшли аргентиналик футболчининг қачон майдонга қайтишини айтишни истамаяпти, бироқ мавсум якунланишидан олдин у майдонга қайтишига ишонмоқда.

"Бизнинг бошимизда бу борада баъзи фикрлар бор, лекин мен уларни ошкор қилишни истамайман. У, албатта, мавсум якунига қадар қайтади.

Ўйлашимча, унинг тузалиши сўнгги босқичда, бироқ мен унинг қайтиш санасини белгилаб, тиббиёт ходимлари ва Гарначога ортиқча босим ўтказмоқчи эмасман", — деди Тен Хаг “Манчестер Юнайтед” расмий сайтига.