"Manchester Yunayted" bosh murabbiyi Erik Ten Xag vinger Alexandro Garnacho bu mavsumda yana maydonga tushishiga ishonch bildirdi.
O‘tgan mavsumda "MYU"da debyut qilganidan so‘ng, Garnacho bu mavsumda o‘zini asosiy jamoa futbolchisi sifatida ko‘rsatdi va to‘rtta gol urdi.
Biroq Alexandro 12 mart kuni Premyer-liga doirasidagi “Sautgempton”ga qarshi o‘yinda to‘pig‘idan jarohat olib, safdan chiqdi.
Ten Xag 18 yoshli argentinalik futbolchining qachon maydonga qaytishini aytishni istamayapti, biroq mavsum yakunlanishidan oldin u maydonga qaytishiga ishonmoqda.
"Bizning boshimizda bu borada ba’zi fikrlar bor, lekin men ularni oshkor qilishni istamayman. U, albatta, mavsum yakuniga qadar qaytadi.
O‘ylashimcha, uning tuzalishi so‘nggi bosqichda, biroq men uning qaytish sanasini belgilab, tibbiyot xodimlari va Garnachoga ortiqcha bosim o‘tkazmoqchi emasman", — dedi Ten Xag “Manchester Yunayted” rasmiy saytiga.
