"Лестер Сити" бош мураббийликка "Астон Вилла" ва "Норвич"нинг собиқ бош мураббийи, ҳозирда ишсиз бўлган Дин Смитни тайинлаши мумкин. Журналист Девид Орнштейннинг сўзларига кўра, “тулкилар” англиялик билан илғор музокаралар олиб бормоқда.
Агар Дин "Лестер"нинг янги мураббийи бўлса, унинг мураббийлар штабига бир вақтлар "тулкилар"ни Чемпионлар лигаси чорак финалига олиб чиққан собиқ жамоа менежери Крейг Шекспир қўшилади.
Брендан Рожерс истеъфога чиқарилганидан кейин "Лестер" мураббийсиз қолди. Жамоа ҳозир Англия Премьер-лигасида сўнгги ўринни эгаллаб турибди.
