"Интер" марказий ҳимоячиси Алессандро Бастони "Бенфика"га қарши ўйиндан сўнг фикрлари билан ўртоқлашди.
Лиссабонда бўлиб ўтган Чемпионлар лигаси чорак финалининг биринчи ўйинида "нерадзуррилар" ғалаба қозонди (2:0), Бастони эса УЕФА томонидан учрашувнинг энг яхши футболчиси деб топилди.
"Ўйинолди матбуот анжуманида айтганимдек, сўнгги учта ўйинда биз муносиб бўлган натижага эриша олмадик. Биз формани сақлаб қолиш учун кўп меҳнат қилдик ва ташқи шубҳаларга қарамай ўз кучимизга ишондик.
“Интер” тайёр эканини билардим. Биз ҳар доим ўйинларга тўғри фикрлаш билан ёндашдик ва етарлича имкониятлар яратдик – етишмаётган ягона нарса вазиятлардан фойдаланиш қобилияти эди”, деди Бастони Sky Sport нашрига берган интервьюсида.
