"Inter" markaziy himoyachisi Alessandro Bastoni "Benfika"ga qarshi o‘yindan so‘ng fikrlari bilan o‘rtoqlashdi.

Lissabonda bo‘lib o‘tgan Chempionlar ligasi chorak finalining birinchi o‘yinida "neradzurrilar" g‘alaba qozondi (2:0), Bastoni esa UYEFA tomonidan uchrashuvning eng yaxshi futbolchisi deb topildi.

"O‘yinoldi matbuot anjumanida aytganimdek, so‘nggi uchta o‘yinda biz munosib bo‘lgan natijaga erisha olmadik. Biz formani saqlab qolish uchun ko‘p mehnat qildik va tashqi shubhalarga qaramay o‘z kuchimizga ishondik.

“Inter” tayyor ekanini bilardim. Biz har doim o‘yinlarga to‘g‘ri fikrlash bilan yondashdik va yetarlicha imkoniyatlar yaratdik – yetishmayotgan yagona narsa vaziyatlardan foydalanish qobiliyati edi”, dedi Bastoni Sky Sport nashriga bergan intervyusida.