Чемпионлар лигасида чорак финалнинг иккинчи куни бошланишида бир қизиқ факт юзага келди. "Реал" устози Карло Анчелотти бугун Европанинг энг нуфузли мусобақасида ўйнаётган ҳар бир клубга устозлик қилган.
Эслатиб ўтамиз, "Реал" клуби бугун ўз майдонида "Челси"ни қабул қилади. Анчелотти 2009 йилдан 2011 йилгача "кўклар"ни бошқарган, лондонликлар билан Англия чемпиони ва Англия кубоги соҳибига айланган.
Миландаги параллел ўйинда "Милан" ва "Наполи" ўйнайди. Анчелотти "россонерлар" 2001 йилдан 2009 йилгача бошқарган. Айтганча, Анчелотти "Милан" билан икки марта Чемпионлар Лигаси кубогини қўлга киритган.
Анчелотти 2018/19 йилги мавсумда "Наполи"га келганди, бироқ ўша даврда мураббий "адзуррилар" билан бирорта совринни юта олмади.
