“Астон Вилла” ҳужумчиси Олли Уоткинс Бирмингем жамоаси билан янги шартнома имзолашга яқин турибди. Бу ҳақдаги маълумотни Football Insider тарқатиб, музокаралар муваффақиятли кечаётгани ва ҳар икки томон ҳам улардан мамнун эканини тушунтирмоқда.
Аввалроқ, янги келишувга кўра, инглиз футболчиси "Вилла"да ҳафтасига 100 минг фунт маош олиши айтилганди. Айни дамда у 75 минг олади. Уоткинснинг бирмингемликлар билан амалдаги шартномаси 2025 йилнинг ўрталарига қадар амал қилади.
Эслатиб ўтамиз, Уоткинс бу мавсумда жамоанинг энг яхши тўпурарларидан бири ҳисобланади. У клуб сафида 29 та ўйинда майдонга тушиб, 12 та гол ва 5 та голли узатмага муаллифлик қилган. Келаси мавсумда “Астон Вилла”да еврокубокларда ўйнаш учун яхши имконият бор – жамоани мураббийлик фаолияти давомида бир нечта Европа кубокларини қўлга киритган тажрибали испаниялик мураббий Унаи Эмери бошқаради.
