“Aston Villa” hujumchisi Olli Uotkins Birmingem jamoasi bilan yangi shartnoma imzolashga yaqin turibdi. Bu haqdagi ma’lumotni Football Insider tarqatib, muzokaralar muvaffaqiyatli kechayotgani va har ikki tomon ham ulardan mamnun ekanini tushuntirmoqda.
Avvalroq, yangi kelishuvga ko‘ra, ingliz futbolchisi "Villa"da haftasiga 100 ming funt maosh olishi aytilgandi. Ayni damda u 75 ming oladi. Uotkinsning birmingemliklar bilan amaldagi shartnomasi 2025 yilning o‘rtalariga qadar amal qiladi.
Eslatib o‘tamiz, Uotkins bu mavsumda jamoaning eng yaxshi to‘purarlaridan biri hisoblanadi. U klub safida 29 ta o‘yinda maydonga tushib, 12 ta gol va 5 ta golli uzatmaga mualliflik qilgan. Kelasi mavsumda “Aston Villa”da yevrokuboklarda o‘ynash uchun yaxshi imkoniyat bor – jamoani murabbiylik faoliyati davomida bir nechta Yevropa kuboklarini qo‘lga kiritgan tajribali ispaniyalik murabbiy Unai Emeri boshqaradi.
