"Милан" Чемпионлар Лигасида қаторасига 5та ўйиндан бери гол ўтказиб юбормади.

Чемпионлар лигаси 1/4 финалининг “Наполи”га қарши биринчи учрашуви миланликларнинг 1:0 ҳисобидаги ғалабаси билан якунланди.

Бунгача “россонерилар” 1/8 финалнинг “Тоттенхэм”га қарши (1:0, 0:0) иккала учрашувида ҳам, гуруҳ босқичида “Зальцбург” (4:0) ва Загребнинг “Динамо”сига (4:0) қарши ўйинларда ҳам гол ўтказиб юбормаганди.

Чемпионлар лигасида “Милан” дарвозасига сўнгги гол урган жамоа 11 октябрь куни “Челси” гуруҳ босқичи ўйинида (0:2) бўлган эди.

"Милан"нинг Чемпионлар лигасидаги сўнгги 5 ўйинидаги умумий ҳисоб 10:0 "россонерилар" фойдасига.