"Барселона" ҳимоячиси Эрик Гарсия кейинги мавсумда ҳам клубда қолади. Инсайдер Хави Мигелнинг сўзларига кўра, бу қарор раҳбарият ва бош мураббий Хави Эрнандес ўртасидаги учрашувда қабул қилинган.
Манбанинг қўшимча қилишича, жамоа устози энди Эрикни марказий ҳимоячи сифатида кўрмайди. Хави бундан буён Гарсиядан марказий ярим ҳимоячи сифатида фойдаланиш ниятида. Бу ролда футболчи машғулотларда ўзини яхши кўрсата олди.
Гарсия 2021 йилнинг ёзида "Манчестер Сити"дан "Барселона"га қайтган эди. Аввалроқ, навбатдаги мавсум оралиғида Эрик мунтазам ўйин амалиётига эга бўлмагани учун "кўк-анорранглилар" сафини тарк этиши ҳақида хабарлар тарқалган эди.
