"Barselona" himoyachisi Erik Garsiya keyingi mavsumda ham klubda qoladi. Insayder Xavi Migelning so‘zlariga ko‘ra, bu qaror rahbariyat va bosh murabbiy Xavi Ernandes o‘rtasidagi uchrashuvda qabul qilingan.

Manbaning qo‘shimcha qilishicha, jamoa ustozi endi Erikni markaziy himoyachi sifatida ko‘rmaydi. Xavi bundan buyon Garsiyadan markaziy yarim himoyachi sifatida foydalanish niyatida. Bu rolda futbolchi mashg‘ulotlarda o‘zini yaxshi ko‘rsata oldi.

Garsiya 2021 yilning yozida "Manchester Siti"dan "Barselona"ga qaytgan edi. Avvalroq, navbatdagi mavsum oralig‘ida Erik muntazam o‘yin amaliyotiga ega bo‘lmagani uchun "ko‘k-anorranglilar" safini tark etishi haqida xabarlar tarqalgan edi.