"Спортинг" ярим ҳимоячиси Педру Гонсалвеш фаолиятини АПЛда давом эттириши мумкин.
Яқинда Европа Лигаси доирасидаги ўйинда майдон марказидан гол урган 24 ёшли португалиялик футболчига “Тоттенхэм” ва “Арсенал” қизиқмоқда.
Гонсалвешнинг товон пули 80 миллион еврони ташкил қилади, "Спортинг" эса футболчига бўлган ҳуқуқларнинг фақат ярмига эга, иккинчиси "Фамаликано" клубига тегишли, аммо Лиссабон ярим ҳимоячининг қолган 50 фоизини сотиб олиш бўйича музокараларни давом эттирмоқда, деб хабар тарқатмоқда инсайдер Педро Алмейда.
Жорий Португалия чемпионатининг 26 ўйинида Гонсалвеш 13 та гол урди.
