"Реал Мадрид" ўтган ёзда "Ницца" ярим ҳимоячиси Кефрен Тюрамни ўз сафига қўшиб олиши мумкин эди.

Журналист Санти Аунанинг хабар беришича, "Қироллик клуби" ярим ҳимоячини трансфер рўйхатига киритган, аммо кейин "Монако"дан 80 миллион евро эвазига кўчиб ўтган ярим ҳимоячи Аурелиен Тчуамени вариантини танлаганди.

Эслатиб ўтамиз, Тюрамга айни дамда Европанинг кўплаб грандлари, жумладан, "ПСЖ", "Ливерпуль" ва "Манчестер Сити" клублари қизиқиш билдирмоқда. 22 ёшли ярим ҳимоячи Франция чемпионатидаги тўртинчи мавсумини ўтказмоқда ва ўзини Лига 1нинг энг истиқболли ярим ҳимоячиларидан бири сифатида кўрсатди.