Украина ҳукумати ўз спортчиларига Россия ва Беларусь спортчилари қатнашадиган турнирларда қатнашишни тақиқлади. Шу сабабли, Украина терма жамоаси 2024 йилги футбол бўйича Европа чемпионати саралашдан воз кечиши мумкин.

Халқаро олимпия қўмитаси (ХОҚ) Украина расмийларининг қарорига муносабат билдирди. "Матч ТВ" телекананинг хабарига кўра, ХОҚ Украина ҳукумати қайси спортчиларнинг халқаро мусобақаларда иштирок этишини ҳал қилмаслиги кераклигини билдирган.

Эслатиб ўтамиз, Беларусь терма жамоаси Евро-2024 саралашида иштирок этмоқда. Аввалроқ Беларусь терма жамоасининг четлатилиши мумкинлиги ҳақида хабар берилганди, бироқ УЕФА ҳозирча бундай қарорга келмаган.