"Барселона" ярим ҳимоячилари Френки де Йонг ва Педри тез орада жароҳатларидан фориғ бўлишади.
25 ёшли нидерландиялик футболчи апрель ойи бошидан, 20 ёшли испаниялик футболчи эса феврал ойи ўрталаридан бери майдонга тушмаяпти. Бугунги "Хетафе"га қарши ўйинидан сўнг (0:0) маълум бўлишича, иккала ярим ҳимоячи ҳам сафга қайтишга яқин ва улар "Атлетико Мадрид" билан бўлажак учрашувда иштирок этишлари кутилмоқда, дея хабар беради журналист Хави Мигель.
"Барселона"нинг "Атлетико"га қарши ўйини 23 апрель куни "Камп Ноу"да бўлиб ўтади.
Каталония жамоаси Ла Лига турнир жадвалида 29-турдан кейин 11 очко билан “Реал”дан олдинда бормоқда.
