Эрон миллий терма жамоаси бош мураббийи Карлос Кейруш ФИФА расмий сайтига интервью берди. Ушбу интервью кенг қамровли бўлиб, мураббийнинг ЖЧ-2014 саралаш босқичи ҳақидаги саволларга берган жавобларини эътиборингизга ҳавола қиламиз.

— Эрон терма жамоасининг ЖЧ-2014га чиқиш имкониятини қандай баҳолайсиз?
— Тўғридан-тўғри жаҳон чемпионатига чиқиш қийин бўлади. Дастлабки 2та ўрин учун Эрон, Жанубий Корея, Ўзбекистон ва Қатар кураш олиб боришади. Мен Ливанни ҳурмат қиламан. У баҳорги ўйинларда рақибларни асабийлашишга қилади ва бу жамоада 3-ўринни эгаллаш учун имконият бор.

— Саралаш босқичида қантай стратегияни қўллайсиз? Ўйинчиларингиз нималар дейсиз?
— Ҳар бир ўйин оғир ўтишини биламиз ва ҳар бир ўйинга яхши тайёргарлик кўриш лозим. Эронга келганимдан кейин ўйинчиларнинг менталитетини ўзгартиришга ҳаракат қилдим. Улар ҳар бир ўйин муҳим аҳамиятга эга эканини тушуниб етишларини истайман. Барча жамоалар рақобат кўрсатишга қодир ва уларга қарши ўйинларда ўртага 3 очко қўйилади. Бу 3 очкони ютиб олиш учун уйда ҳам, сафарда ҳам курашишимиз керак.

Ундан ташқари омад ва бошқа омиллар борки, уларни бошқариш сизнинг ихтиёрингизда бўлмайди. Яна шуни ҳам таъкидлашим лозим, бизнинг тақвимимиз анча зич. Шунингдек, Осиёнинг у четидан бу четига учиб бориш ҳам катта машаққатни талаб қилади. Ҳар бир жамоада ҳам шахсий самолёт йўқ. Бу омиллар ҳам биз учун жиддий муаммо.