Мадриднинг "Реал" клуби Дортмунднинг "Боруссия" клуби ярим ҳимоячиси Жуд Беллингемни ўз сафига қўшиб олмоқчи.
Дортмундликлар англиялик футболчи учун 150 миллион евро талаб қилаётгани, "қаймоқранглилар" эса бундай пулни тўламоқчи эмаслиги сабабли, испан клуби раҳбарияти ўз футболчиларини шартномага киритиш вариантини кўриб чиқмоқда.
Cadena SER нашри хабарига кўра, "қироллик клуби" ҳозирда Италиянинг "Милан" клубида ижара асосида ўйнаётган ярим ҳимоячи Браим Диасни шартномага қўшиши мумкин. Шу билан бирга, испаниялик футболчи аввалроқ "россонерилар" сафида қолиш истагини билдирган эди.
Шартномага Диасни қўшиш орқали "Реал Мадрид" 150 миллион евро нархини пасайтирмоқчи.
