«Манчестер Сити» ярим ҳимоячиси Кевин де Брюйне «Бавария»га қарши Чемпионлар лигаси 1/4 финал жавоб учрашувидан сўнг (1:1) интервью берди.
Қарама-қаршиликда Хосеп Гвардиола шогирдлари умумий 4:1 ҳисобида зафар қучди. Инглиз грандининг финал йўлидаги навбатдаги синови турнирнинг амалдаги ғолиби «Реал Мадрид» бўлади.
«Мен «Бавария»нинг ўз уйида қанчалик тажовузкор эканлигини билардим, чунки мен бу ерда аввал ўйнаганман.
Ўйлайманки, бугун биз босимни яхши енгдик. Баъзида ўжарлик билан ҳимояланишга мажбур бўлдик, лекин ўз имкониятларимизни ҳам яратдик.
«Реал»? Бу охирги ўн йилликнинг энг кучли жамоаси. Бундай ўйинлар жуда зўр тажриба бўлади», - деди Де Брюйне ўйиндан кейинги интервьюсида.
