Германия ва “Бавария”нинг собиқ дарвозабони Оливер Кан яқин орада Мюнхен клуби бош директори лавозимини тарк этиши мумкин. Бу ҳақда журналист Ян Оге Фьертофт ижтимоий тармоқлар орқали маълум қилди.
Инсайдерга кўра, Каннинг истеъфоси вақт масаласидир. У 2021 йилдан бери Мюнхеннинг "Бавария" бош директори лавозимида ишлаб келмоқда.
Эслатиб ўтамиз, "Бавария" ¼ финалда "Манчестер Сити"га умумий ҳисобда (0:3, 1:1) мағлуб бўлиб, Чемпионлар лигасидан чиқиб кетди.
Германия чемпионатининг 28-туридан сўнг мюнхенликлар 59 очко жамғариб, турнир жадвалида биринчи ўринда бормоқда.
