"ПСЖ"нинг собиқ бош мураббийи Маурисио Почеттино ҳар доим "Реал Мадрид"да мураббийлик лавозимини эгаллашни орзу қилган, бироқ аргентиналик ҳалигача "Қироллик клуби"га тайинланишдан йироқ. Бу ҳақда ижтимоий тармоқларда журналист Маттео Моретто хабар берди.
Манбанинг қўшимча қилишича, айни дамда Почеттино Лондоннинг "Челси"сига тайинланишга анча яқин. Аргентиналик яқинда Нагельсманн билан музокаралар муваффақиятсиз якунланганидан сўнг "кўклар"ни қабул қилиш учун фаворит сифатида пайдо бўлди.
Почеттино аввалроқ Англияда "Саутгемптон" ва "Тоттенхэм" каби клубларни бошқарган.
