«Барселона» бош мураббийи Хави «ПСЖ» ҳужумчиси Лионель Мессининг Каталония жамоасига қайтиши мумкинлиги ҳақида гапирди.
«Месси? Мен сўнгги миш-мишлардан хабардор эмасман. Мен ишлашим ва трансфер ойнаси ҳақида эмас, эртанги ўйин ҳақида ўйлашим керак. Ҳозир Месси ҳақида гапиришнинг вақти эмас», — деди Хави.
20 апрель куни каталонияликлар Мессига 2025 йилнинг ёзигача мўлжалланган 25 миллион евролик маош билан шартнома таклиф қилгани ҳақида маълумот пайдо бўлди.
35 ёшли ҳужумчи 2005 йилдан 2021 йилгача Каталония клубида тўп тепган. У «Барселона» сафида 778 та ўйинда майдонга тушиб, 672 та гол урган ва 303 та голга ассистентлик қилган.
Мессининг «ПСЖ» билан амалдаги шартномаси 2023 йилнинг ёзига қадар амал қилади.
