"Андижон", "Машъал" ва "Янгиер" жамоаларидаги фаолияти орқали таниш бўлган Диёр Мирзабоев "Турон" жамоаси мураббийлари штабида иш бошлади.
"Ўз олдига ҳамиша юқори мақсадларни қўйиб келаётган "Турон" клуби тизимида бир неча ёш тоифасидаги жамоалар шаклланиб келмоқда. Асосий таркиб жамоа сафига муносиб ёш иқтидорли футболчиларни етказиб бериш вазифасини амалга ошириб келаётган U-21 ёшлар жамоаси томонидан қайд этилаётган ижобий натижалар клубга бефарқ бўлмаган футбол мухлисларини хурсанд этмасдан қолмайди.
Бугун клуб раҳбарияти иштирокида ўтказилган йиғилишда U-21 жамоага янги бош мураббий тайинланди. "Машъал", "Андижон", “Янгиер” каби клублардаги мураббийлик фаолияти билан ўзини ҳар томонлама кўрсата олган таниқли мутахассис Диёр Мирзабоев эндиликда U-21 ёшлар жамоаси бош мураббийи лавозимида иш олиб боради. Бугунгача мазкур жамоа бош мураббийи лавозимида ишлаб келган истеъдодли мутахассис Рустам Аъзамов мураббийлар штабида Диёр Мирзабоевга яқиндан ёрдам беради" - дейилади "Турон" клуби баёнотида.
