"Andijon", "Mash’al" va "Yangiyer" jamoalaridagi faoliyati orqali tanish bo‘lgan Diyor Mirzaboyev "Turon" jamoasi murabbiylari shtabida ish boshladi.

"O‘z oldiga hamisha yuqori maqsadlarni qo‘yib kelayotgan "Turon" klubi tizimida bir necha yosh toifasidagi jamoalar shakllanib kelmoqda. Asosiy tarkib jamoa safiga munosib yosh iqtidorli futbolchilarni yetkazib berish vazifasini amalga oshirib kelayotgan U-21 yoshlar jamoasi tomonidan qayd etilayotgan ijobiy natijalar klubga befarq bo‘lmagan futbol muxlislarini xursand etmasdan qolmaydi.

Bugun klub rahbariyati ishtirokida o‘tkazilgan yig‘ilishda U-21 jamoaga yangi bosh murabbiy tayinlandi. "Mash’al", "Andijon", “Yangiyer” kabi klublardagi murabbiylik faoliyati bilan o‘zini har tomonlama ko‘rsata olgan taniqli mutaxassis Diyor Mirzaboyev endilikda U-21 yoshlar jamoasi bosh murabbiyi lavozimida ish olib boradi. Bugungacha mazkur jamoa bosh murabbiyi lavozimida ishlab kelgan iste’dodli mutaxassis Rustam A’zamov murabbiylar shtabida Diyor Mirzaboyevga yaqindan yordam beradi" - deyiladi "Turon" klubi bayonotida.