"Атлетико" президенти Энрике Сересо "Барселона" атрофидаги ҳакамлар можароси ҳақида гапирди.

"Мен фақат сиз билган нарсани биламан ва ҳеч нарса исботланмагунча, ҳамма нарса тахминий бўлиб қолади. Мен 35 йилдан бери футболда ишлаб келаман ва ҳакамга пора бериш мумкинлигини ҳеч қачон ҳис қилмаганман, эшитмаганман ва ўйламаганман. Ўйинларни сотиб олиш жуда қийин.

Қандай қилиб ҳакамларни сотиб олиш мумкинлигини тушунмаяпман. Бу ҳақда биринчи марта эшитишим. "Барселона"га қарши ўйинларда ҳам, бошқа бировга қарши ўйинларда ҳам шубҳали ҳеч нарсага дуч келмадим", - деди Серезо Pozuelo IN нашрига берган интервьюсида.