Март ойида жароҳат олган "Манчестер Юнайтед"нинг аргентиналик ҳужумчиси Алехандро Гарначо Англия кубоги финалида "Манчестер Сити"га қарши ўйинда жамоасига ёрдам бера олмайди. Футболчи тўпиғидан жароҳат олган ва ҳозирда даъволаниш билан банд.
Daily Mail нашри хабарига кўра, Гарначонинг тикланиш жараёни сўнгги босқичда, бироқ у катта эҳтимол билан "шаҳарликлар" билан дербида майдонга туша олмайди.
18 ёшли ҳужумчи жорий мавсум Англия Премьер-лигасида 15 та ўйинда майдонга тушиб, 2 та гол ва 2 та голли узатмани амалга оширди.
Аргентиналик футболчининг “Манчестер Юнайтед” билан шартномаси 2024 йилгача мўлжалланган, трансфер нархи эса 25 миллион еврони ташкил қилади.
