"Манчестер Юнайтед" ҳимоячиси Люк Шоу Англия кубоги ярим финалида "Брайтон" билан ўйиндан сўнг (0:0, пенальтилар сериясида - 7:6) ҳимоя марказидаги ўйин ҳақида гапирди. Номинал чап қанот ҳимоячиси бу мавсумда жароҳатлар ва шерикларнинг дисквалификациялари туфайли бир неча бор марказий ҳимоячи позициясида ўйнаган.
"Очиғи, марказий ҳимоячи сифатида ўйнаш осон эмас. Учта марказий ҳимоячи иштирок этадиган ўйинда вазият бироз бошқача, аммо биз иккита бўлганимизда, бу бутунлай бошқа масала. Лекин мен у ерда ўйнаганимда, менга жуда ёқади, тайёргарлик кўришимиз учун бир-икки кун вақтимиз бор эди. Бу ҳақда мураббий менга ва албатта Виктор Линделёфга ҳам гапирди, чунки рақибимиз доимо айёрлик ва тактик тайёргарликни намойиш этади. Баъзида уларни кузатиш учун ярим ҳимояда қолишга тўғри келарди.
Бу янги нарса, лекин мен у ерда ўйнашни яхши кўраман, футбол ўйнашни яхши кўраман. Ғалаба энг муҳими эди" - деди Шоу 90min билан суҳбатда.
