"Манчестер Сити" ярим ҳимоячиси Бернарду Силва ҳужумчи Эрлинг Холанд ҳақида гапирди.
"У ақл бовар қилмайдиган рақамларни кўрсатмоқда, бу Криштиану ва Мессининг даражаси. Умид қиламанки, Эрлинг шундай давом этиши мумкин, чунки бизга мавсумнинг сўнгги ўйинлари олдидан унинг голлари керак.
Холандда, албатта, Криштиану билан бир хил менталитет бор - у ҳар доим майдонда бўлишни хоҳлайди, у доим гол уришни хоҳлайди. У тўпга қанча тегинишини қизиқтирмайди - у учун асосийси гол уриш”, - деди Силва Arab News нашрига берган интервьюсида.
2022/2023 йилги мавсумда Эрлинг Холанд 42 та ўйинда 48 та гол урди ва 6 та голли узатмани амалга оширди.
