«Барселона» раҳбарияти Алексия Путельяснинг ҳозир соғлиги яхшилигини маълум қилди.
29 ёшли футболчи пайшанба оқшомида Аёллар ўртасидаги Чемпионлар лигаси доирасида «Челси»га қарши ўйинда жамоага ёрдам бера олади.
Путельяс 300 кун ичида илк бор майдонга тушади – ўтган ёзда у тиззасидаги хоч боғлами жароҳати туфайли операция қилинган эди. Ўшандан бери Алексия тикланиш жараёнидан ўтмоқда.
Алекция Путельяс - аёллар футболи оламидаги катта юлдуз. 2021 ва 2022 йилларда у «Олтин тўп»ни қўлга киритди.
Биринчи ўйинда «Барселона» аёллар жамоаси сафарда «Челси»ни мағлуб этган. Энди каталонияликлар ўз уйларида рақибларини қабул қилишади.
