"Ланс" ҳимоячиси Кевин Дансо фаолиятини Англия Премьер-лигасида давом эттириши мумкин, дея хабар беради журналист Фабрицио Романо.
Манбага кўра, 24 ёшли австриялик футболчига Англия клубларидан ташқари Испания ва Италия жамоалари ҳам қизиқиш билдирмоқда.
Дансонинг "Ланс" билан амалдаги шартномаси 2026 йилнинг ёзига қадар мўлжалланган. Transfermarkt портали ҳимоячини 16 миллион еврога баҳоламоқда.
Дансо жорий мавсумда 32 та ўйинда майдонга тушиб, 1 та гол ва 1 та голли узатмани амалга оширди.
Лига 1нинг 32-туридан сўнг “Ланс” 66 очко билан турнир жадвалида учинчи ўринда бормоқда.
