Лондоннинг "Арсенал" клубининг асосий ўйинчиларидан бири Гранит Жака ўз жамоаси билан Манчестерга етиб келди. Бугун тунда "канонирлар" "Манчестер Сити"га қарши мавсумнинг энг муҳим ўйинларидан бирини ўтказишади.

Ярим ҳимоячининг клуб автобусидан тушаётгани сурати Британия спорт нашрлари томонидан тарқатилди.

Эслатиб ўтамиз, "Арсенал"нинг "Саутгемптон"га қарши сўнгги ўйинда (3:3) Жака ноқулайликни ҳис этгани учун майдонга тушмаганди. Унинг майдондаги ўрнини Фабио Виейра эгаллади, унинг ўйини "канонирлар" мухлисларининг норозилигига сабаб бўлди.

Гранит Жака фаолиятидаги энг сермаҳсул мавсумлардан бирини ўтказмоқда. Айни дамда швейцариялик футболчи ўз клуби сафида расмий турнирларда еттита гол ва бешта голли узатмага эга.