Каталониянинг “Барселона” клуби кейинги Чемпионлар лигасида иштирок этиши мумкин. "Негрейра иши" туфайли жамоа еврокубоклардан четлаштирилмайди. Бу ҳақда Mundo Deportivo нашри хабар берди.
Эслатиб ўтамиз, "Негрейра иши" туфайли "Барселона"ни навбатдаги еврокубоклардан четлаштириш варианти кўриб чиқилди. Каталония жамоаси бир неча йил давомида Испания ҳакамлар қўмитаси вице-президентига 4 миллион еврога яқин пора берганликда айбланмоқда.
"Барселона" айни дамда Ла Лигада пешқадамлик қилмоқда, иккинчи ўриндаги "Реал"дан 11 очко олдинда. Чемпионат якунланишига 7 тур қолди.
