"ПСЖ" ҳужумчиси Килиан Мбаппе Франция терма жамоасидаги жамоадоши Рандал Коло-Муанини Париж жамоасига ўтишга кўндирмоқчи.
Журналист Кристиан Фалькнинг хабарига кўра, футболчилар ўртасида эҳтимолий трансфер борасида музокаралар олиб борилмоқда.
Аввалроқ, Франкфуртнинг “Айнтрахт” клуби Коло-Муанини ёзда 100 миллион евро эвазига қўйиб юборишга рози бўлиши ҳақида миш-мишлар тарқалган эди. Ҳужумчига "Бавария" ҳам даъво қилмоқда.
Эслатиб ўтамиз, "ПСЖ" 21 та гол билан А серия тўпурари бўлган "Наполи"дан Виктор Осимхен трансферини ҳам кўриб чиқмоқда. Коло-Муанининг ҳисобида Бундеслигада 13 та гол ва 10 та голли узатма бор.
