"Ювентус" клуби Кристиано Жунтолини спорт директори этиб тайинламоқчи, дея хабар бермоқда SportItalia.
51 ёшли италиялик мутахассиснинг "Наполи" билан шартномаси 2024 йилнинг ёзига қадар мўлжалланган ва томонлар шартномани узайтириш ниятида. Чунки клуб президенти Аурелио Де Лаурентис унинг ишидан мамнун ва уни бошқа клубга қўйиб юбормоқчи эмас.
Шунга қарамай, туринликлар Жунтолини ўз сафига таклиф қилишга умид қилмоқдалар ва сўнгги бир неча ҳафта ичида у билан телефон орқали гаплашишга муваффақ бўлишди.
Эслатиб ўтамиз, Жунтоли "Наполи"да 2015 йилдан бери ишлаб келмоқда.
