Бугун "Реал" Ла Лиганинг 32-тури доирасида "Сантьяго Бернабеу"да "Альмерия"ни қабул қилмоқда. Учрашув Тошкент вақти билан 21:30да бошланди.
Ўйиннинг 17-дақиқасига келиб "Реал Мадрид" 2:0 ҳисобида олдинга чиқиб олди - жамоа сардори Карим Бензема дубл қайд этди.
Франциялик ҳужумчи бугун ўзининг Ла Лигада 234 ва 235-голларини киритди ва Уго Санчесдан (234) ўзиб кетишга ҳамда Ла Лига тўпурарлари рўйхати тарихида тўртинчи ўринга чиқиб олишга муваффақ бўлди. Ла Лигада Бенземадан фақат Тельмо Сарра (253), Криштиану Роналду (311) ва Лионель Месси (473) кўпроқ гол урган.
