"Арсенал" Англия футболи тарихида бир мавсумда 10 та "Лондон дербиси"да ғалаба қозонган биринчи жамоа бўлди, дея хабар бермоқда Squawka портали.

2 май куни "канонирлар" АПЛнинг 34-турида "Челси"ни мағлуб этишди (3:1). Умуман олганда, жорий чемпионатда улар пойтахт клубларидан битта ҳам мағлубиятга учрамаган. Бир мавсумда 10 та "Лондон дербиси"да ғалаба қозониш Англияда рекорди саналади.

Жорий чемпионатда "Арсенал" "Фулхэм" (2:1, 3:1), "Тоттенхэм" (3:1, 2:0), "Кристал Пэлас" (4:1, 2:0) ва "Челси"ни (3:1, 1:0) икки мартадан мағлуб этган. "Брентфорд" (1:1, 3:0) ва "Вест Хэм" (3:1, 2:2) жамоалари билан дуранг ўйнаган ва ғалаба қозонган.

"Арсенал" 78 очко билан АПЛда пешқадамлик қилмоқда. "Манчестер Сити" (76) ҳисобида иккита захира ўйин бор.