"Тоттенхэм" клуби "Спортинг" бош мураббийи Рубен Аморимни тайинлашга қизиқмоқда, деб хабар беради Record.
Манбага кўра, Аморим Лондон шимолига кўчиб ўтиш истиқболига очиқ. "Шпорлар" 38 ёшли португалиялик билан илк музокараларни ўтказишга улгурди. У "Челси"нинг қисқа рўйхатида ҳам бор.
Райан Мэйсон шу ҳафта охирида Премьер-лиганинг 35-тури доирасидаги "Кристал Пэлас"га қарши ўйин олдидан мураббий вазифасини бажарувчи бўлиб қолади.
"Тоттенхэм" 54 очко билан АПЛ турнир жадвалида 6-ўринни эгаллаб турибди.
