Бразилиялик собиқ ҳужумчи Ривалдо португалиялик Криштиану Роналду фаолиятини "Реал Мадрид"да якунлаши мумкинлигига ишонмоқда.
"Криштиану бахтсизлиги ва ёзда Саудия Арабистонини тарк этиши мумкинлиги ҳақида миш-мишлар бор. Ўйлайманки, агар Роналду "Реал"га қайтса, футбол учун ажойиб бўларди. У уларга фойда келтириши мумкин. КриРо фаолиятини Мадрид клубида якунлаши мумкин", - деди Ривалдо Betfair билан суҳбатда.
Роналду "Ан-Наср"га шу йилнинг январь ойида ўтган. 38 ёшли португалиялик футболчи клуб билан икки ярим йиллик шартнома имзолади. Ҳужумчининг Саудия Арабистонидаги маоши йилига 200 миллион еврони ташкил қилади.
