Англия чемпионатининг ўттиз бешинчи туридан ўрин олган учрашувда “Вулверхэмптон” “Астон Вилла”ни минимал ҳисобда мағлуб этди, бу “бўрилар” учун муҳим ғалаба бўлди, клуб устози Хулен Лопетеги эса учрашув натижаларидан мамнунлигини яширмади.

"Умид қиламанки, биз ҳозир хавфсиз зонадамиз. Бу ғалаба бутун жамоанинг хизматидир. Мен келганимда, ўн олтита ўйиндан кейин жамоа ўн очкога эга эди. Ҳаммаси ёмон эди, ўзига ишонч йўқ эди. Лекин чемпионатнинг иккинчи ярмида анча яхши ўйнадик. Футболчиларимиздан хурсандман, - дея Лопетегининг сўзларини келтиради BBC Sport.

“Вулверхэмптон” кейинги турда “Манчестер Юнайтед”га қарши баҳс олиб боради.