"Эвертон" мавсум охирида эркин агентга айланадиган "Ливерпуль" ярим ҳимоячиси Жеймс Милнерни ўз сафига қўшиб олишга уриниб кўрди. Football Insider хабарига кўра, англиялик фахрий таклифни рад этган ва Юрген Клоппнинг асосий рақиблари лагерига ўтмаган.
Эслатиб ўтамиз, аввалроқ Милнернинг навбатдаги клуби "Брайтон" бўлиши маълум бўлганди. Ярим ҳимоячи келаси ёзда эркин агент сифатида Роберто де Дзерби жамоасига ўтади.
Милнер аввалроқ "Манчестер Сити"да ўйнаган, у ердан 2015 йилнинг ёзида "Ливерпуль"га ўтган эди. Мерсисайдликлар сафида инглиз футболчиси қўлга киритилиши мумкин бўлган барча совринларни қўлга киритди.
