"Everton" mavsum oxirida erkin agentga aylanadigan "Liverpul" yarim himoyachisi Jeyms Milnerni o‘z safiga qo‘shib olishga urinib ko‘rdi. Football Insider xabariga ko‘ra, angliyalik faxriy taklifni rad etgan va Yurgen Kloppning asosiy raqiblari lageriga o‘tmagan.
Eslatib o‘tamiz, avvalroq Milnerning navbatdagi klubi "Brayton" bo‘lishi ma’lum bo‘lgandi. Yarim himoyachi kelasi yozda erkin agent sifatida Roberto de Dzerbi jamoasiga o‘tadi.
Milner avvalroq "Manchester Siti"da o‘ynagan, u yerdan 2015 yilning yozida "Liverpul"ga o‘tgan edi. Mersisaydliklar safida ingliz futbolchisi qo‘lga kiritilishi mumkin bo‘lgan barcha sovrinlarni qo‘lga kiritdi.
