Англиянинг "Брайтон" клуби ярим ҳимоячиси Мойсес Кайседонинг манфаатларини ҳимоя қилувчи футбол агенти Мануэль Сьерра Лондоннинг “Арсенал” клуби футболчисига қизиқиш билдирилаётгани ҳақидаги миш-мишларга изоҳ бериб, унинг сафига ўтиши мумкинлигини таъкидлади. Агентнинг фикрича, футболчининг "канонирлар" ёки бошқа клубга келишини фақат ёзда муҳокама қилиш мумкин.
"Арсенал" ҳамма учун ажойиб жамоа. Келинг, ёзда нима бўлишини кўрамиз. Мойсесга кўплаб клублар қизиқиш билдирмоқда. Унинг шартномаси тугашига 4 йил қолди. Мойсес ажойиб мавсумни ўтказмоқда, шунинг учун унга кўплаб клублар қизиқиш билдириши табиий. Унинг орзуси - Чемпионлар лигасида ўйнаш ва футболда имкон қадар кўпроқ ютуқларга эришишдир", - деди Сьерра Arsenal Informer билан суҳбатда.
